Алматыда автобус қоршауға соғылды: екі жолаушы ауруханаға жеткізілді

Алматыда автобус жүргізушісі рөлге ие бола алмай әкімшілік ғимараттың қоршауына соғылды, деп хабарлайды қалалық полиция департаменті.

Оқиға 13 маусымда 12.40 шамасында Спасская көшесінде болған. Желіде жол-көлік оқиғасының видеосы жарияланды.

"Салдарынан қоғамдық көліктің екі жолаушысы жарақат алып, медициналық тексеруден өту үшін ауруханаға жеткізілді", - делінген хабарламада.

Аталған фактіге қатысты полиция тиісті тексерулерді жүргізеді.