«Оператор РОП» экс-құрылтайшысы Дубайда ұсталды

Оған аса ірі мөлшерде қаржы жымқыру күдігімен халықаралық іздеу жариялаған болатын.

Фото: t.me/antikornews

«Оператор РОП» бойынша іздеуде жүрген күдікті Біріккен Араб Әмірлігінде ұсталды, деп хабарлайды Skifnews.kz ақпарат порталы Сыбайлас жемқорлыққа қарсы іс-қимыл агенттігіне сілтеме жасап.

Сыбайлас жемқорлыққа қарсы қызмет бұған дейін «ӨКМ Операторы» ЖШС-нің бұрынғы құрылтайшысы Ш. Мұқтароваға аса ірі мөлшерде қаржы жымқыру күдігімен халықаралық іздестіру жариялаған болатын. Ол Дубай қаласында ұсталып, Интерполдың көмегімен Біріккен Араб Әмірліктерінің уәкілетті органдары қамауға алды, - делінген хабарламада.

Қазір Бас прокуратура оны экстрадициялау рәсімін жүзеге асырып жатқанын айтты.