Ол өз кінәсін мойындады, алайда қыздың жыныстық қатынасқа өз еркімен келіскенін және оның өгей қызы екенін айтты.
Қарағанды облысында туған әкесі бірнеше рет зорлаған 15 жастағы жасөспірім қыз жүкті болып қалған, деп хабарлайды Skifnews.kz ақпарат порталы.
Azattyq Ruhy жазуынша, Облыстық қылмыстық істер жөніндегі мамандандырылған ауданаралық соты 42 жастағы ер адамға үкім шығарды. Жабық есік жағдайында өткен сот барысында сотталушы өз кінәсін мойындады, алайда қыздың жыныстық қатынасқа өз еркімен келіскенін және оның өгей қызы екенін айтты.
Істі сотқа дейінгі тергеп-тексеру барысында оның қыздың биологиялық әкесі емес екені белгілі болды, бұл тиісті молекулярлық-генетикалық сараптаманың қорытындысымен расталды. Бірақ оның қылмыстың істің бабына еш әсері болмайтыны мәлімделді. Қылмыс жасалған кезде ол оны өз қызым деп санаған, қыз да оны туған ата-анасы деп білген. Сондықтан ер адамға «ата-анасы жасаған» қылмыс белгісімен сотталды, - деді Қарағанды облысының қылмыстық істер жөніндегі мамандандырылған ауданаралық сотының төрағасы Бекзат Шалғымбаев.
Ер адам 20 жылға бас бостандығынан айырылды, ол жазасын орташа қауіпсіздік мекемесінде өтейді. Сотталушы үкімді апелляцияға бергенімен, облыстық сот оны өзгеріссіз қалдырды.