Табысқа кенелетіндер кім: 2024 жылға арналған қаржы жұлдызнамасы

Қаржы тұрақтылығы ертеңін ойлайтын адамға сенімділік береді. 2024 жылы қай белгі өкілінің табысы артады? Қаржы, мансап және өзін-өзі дамыту бойынша астролог Джессика Адамс құрастырған жұлдыз жорамалды ұсынамыз.

Тоқты

Тоқтыларда көтерілу мен құлдырау кезеңі болады. Мұның қаржылық жағдайға да қатысы бар. 2024 жылы Тоқтыларға арналған қаржылық жұлдыз жорамал қандай? Астролог Прашанта Нигамның айтуынша он бірінші үйдегі Сатурн және он екінші үйдегі Раху қазіргі кіріс көзін сақтайды, сонымен бірге шығынды да арттырады. Несие алуыңыз да ғажап емес.

Жыл ортасында еңбекқор Тоқтылар мансап баспалдағымен көтеріледі. Кәсіпкерлердің табысы артады. Тамыз және қазан айлары ең жақсы кезең болып саналады. 

Торпақ

Жылдың бірінші жартысында Юпитердің Торпақ арқылы өтуі табыстың мол болуына септігін тигізеді. Юпитер кіріс көзін арттыруға, еңбекақының өсуіне, бизнес аясын кеңейтуге мүмкіндік береді. Тәртіп пен жұмысқа қабілеттіліктің арқасында Торпақ мүмкіндіктерді дұрыс пайдалана біледі. Ол мансап жолында серпіліс жасап, қызмет саласын өзгертуге шешім қабылдайды.

Бюджетті мұқият жоспарлау, оқу және даму нәтижені жақсартады. Ведикалық Indastro басылымының мәліметінше шетелмен байланыс орнату табыс әкеледі. 

Егіздер

Үшінші зодиак белгісін сақтық пен тұрақтылық жылы күтеді. Егіздер үшін 2024 жылға арналған қаржылық жұлдыз жорамал қандай? Horoscope Every Day астрологиялық басылымы алдағы жылы ауа белгісінің қаржы жағдайы оң болады деп есептейді. Он бірінші үйдегі Сатурнның Юпитерге әсері табыстың үздіксіз түсіп тұруына ықпал етеді.

Бюджет жасап, ақшаны ұқыпты ұстаңыз. Жаңа жыл инвестиция жасау үшін қолайлы болмақ. Ерлі-зайыптылар серіктесінен қаржылық көмек алады.

Шаян

Шаянның екінші үйі жылдың бірінші жартысында Сатурнның жетінші және Юпитердің бесінші аспектісінде белсенді болады. Бұл жұмыс пен қаржы жағдайына жақсы әсер етеді. Knowinsiders ақпараттық сайты Шаянның әлеуметтік жағдайы тұрақты болады деп есептейді. Қабілетіңіз бен дағдыларыңызды, басшылықтың беделін және әріптестеріңіздің қолдауын пайдаланыңыз.

Мамырдан желтоқсанға дейінгі аралық жақсы кезең болып саналады. Жоғары білім, сондай-ақ әке мен тәлімгердің көмегі табысқа жетуге көмектеседі.

Арыстан

Астролог Джессика Адамстың айтуынша, Юпитердің салдарынан 2023 жылдың мамырынан 2024 жылдың мамырына дейінгі кезең Арыстан үшін ең сәтті уақыт болып саналады. Жылдық бюджетті жоспарлаңыз, шығындарды азайтыңыз.

Арыстан үшін 2024 жылға арналған қаржылық болжам қандай? Арыстанға Балықтардағы Сатурн мен мансап жолында өсуге бағытталған нақты жоспар көмектеседі. Қомақты ақшаға зат сатып алуды жоспарлаңыз, алдағы күндеріңіз үшін ақша үнемдеңіз. Егер басшылық даму мен білім алуға қолдау көрсетсе, жұмыс орнын ауыстырудың қажеті болмайды. Егер қолдау білдірмесе, жұмыс ауыстырсаңыз болады. Ірі корпорацияларға мөлшерлеме жасаңыз.

Бикеш

Ведикалық астролог Чираг Дарувалла жаңа жылда Бикешті тұрақты табыс көзі мен жақсы қаржылық жағдай күтетінін айтады. Жаңа автокөлік сатып алуыңыз мүмкін. Егер көптен бері жаңа үйді армандап жүрсеңіз, үй салуға мүмкіндік бар.

Бикеш ескі қарыздарын өтейді. Алдағы жыл бизнеске инвестиция салуға және өз ісін бастауға қолайлы. Сәуірден шілдеге дейін қаржылық операциялардан кенеттен пайда түсуі мүмкін. Жұмыс орнын ауыстырмай тұрып компанияның жағдайын мұқият қадағалаңыз.

Таразы

Торпақтағы Юпитер Таразылардың мансап жолында өсуіне, жақсы табыс табуына ықпал етеді. 2024 жылдың 26 ​​мамырына дейін инвестиция салыңыз, өз бизнесіңізді ашыңыз, қосымша табыс көзін іздеңіз.

2024 жылы Таразыларға арналған ақша болжамы қандай? Жаңа жылдың алғашқы күндерінен бастап Таразының жағдайы жақсарады. Олар әлеуметтік жағдайын дұыстап, қарыздарын өтейді әрі жинақ жасайды. Мұндай істерді мамыр айының соңына дейін жасаңыз. Тапқан табысыңыздың аз бөлігін ғана жұмсаңыз. Ақша жинауды бастаңыз, пәтер сатып алуға ұмтылыңыз.

Сарышаян

25 мамырдан бастап жыл соңына дейін Егіздердегі Юпитер Сарышаянға жаңа табыс көзін табуға көмектеседі. Сарышаянға тән белсенді қарым-қатынас, деректер жинау және кәсіпкерлік рухты пайдалану жүзеге асады. Тұтынушылар мен іскер серіктестер пайда болады.

Қарым-қатынас жасағанда барынша ашыла түсіңіз, іскерлік іс-шараларға қатысыңыз. Іс-сапарларға, соның ішінде шетелге шығыңыз. Шетел тілдерін үйреніп, қаржылық сауаттылықты арттырыңыз. Ақшаны басқару бойынша кеңесші табыңыз.

Мерген

Мергендер үшін 2024 жылға арналған қаржылық болжам қандай? Тынымсыз еңбек, қарыздар мен уәдені жауапкершілікпен қабылдай білу байлыққа жетуге және жаңа лауазымға ие болуға көмектеседі. Сізге көбірек жұмыс істеуге тура келеді. Осы орайда Мергенге достары, отбасы мен пікірлес адамдар көмектеседі.

Қарыздар мен несиелерді мерзімінен бұрын өтеуге тырысыңыз. Қайтадан жаңа несие алмаңыз. Жыл соңына қарай қаржылық қауіпсіздік орнайды. Қаржылай көмек (зейнетақы, алимент) берілуі ықтимал.

Тауешкі

Қаржылық кеңесші оған ақша салынған қалтаның үстінде отыруды емес, қаражатты жұмыс істейтіндей етіп қайта бөлуді үйретеді. Ол сізге инвестициялаудың және үнемдеудің ең жақсы жолдарын айтып береді және пассив табыс табу жолын көрсетеді.

Тауешкі бар уақытын мансап пен хоббиіне арнайды. Жаңа жылда ол өзінің ескі хоббиімен ақша таба алады. Пайдалы адамдармен танысу жер белгісіне көмектеседі. Қызықты жұмыс ұсыныстары пайда болады. Үйіңізге арнап қымбат зат сатып алу мүмкіндігі бар.

Суқұйғыш

Астролог Бежан Дарувалла Суқұйғышқа байлықтың келетінін айтады. Ақша ағыны жыл бойы тоқтамайды. Суқұйғыш үшін 2024 жылға арналған қаржылық жұлдыз жорамал қандай? Ол қаражатты жеке басына және отбасына жұмсайды, дегенмен ақша тапшылығына тап болмайды. Жаңа табыс көзі, мансап жолындағы перспективалар, кәсіп ашу мүмкіндіктері пайда болады.

Жылжымайтын мүлікке инвестиция салыңыз, өзіңізге және жақындарыңызға сыйлық жасаңыз. Суқұйғыштар білім беру және IT саласында табысқа жетеді. Ғалымдар, мұғалімдер, психологтар жақсы ақша табады.

Балықтар

Олар күмәнді кәсіпорындарға ақша салмауы керек. Манипуляцияға жақын адамдарға ақша бермей, бас тартуды үйрену керек. Жаңа стратегияны әзірлеу, эмпатия мен креативті бизнеске қолданатын уақыт жетті. Нептунның ретроградтық кезеңінде (2 шілдеден 7 желтоқсанға дейін) Балықтар ескі көзқарасты жойып, өнімдірек жұмыс істей бастайды.

Су белгісі отбасы мен серігінің қолдауына ие болады. Олар бірге жылжымайтын мүлікке және басқа да активтерге қол жеткізеді. Сәтсіз кезең ретінде қыркүйекті, ал сәтті кезеңге қыстың үш айын жатқызуға болады.

Жасыл ағаш айдаһар жылы көптеген белгі өкіліне қаржылық табыс пен жайлылық әкеледі. Олардың арасында сәтсіздікке ұшырайтындар жоқ, бірақ сақтықтың болғаны да жөн. Көбірек табысқа жету үшін жұлдыздардың кеңесіне жүгінген артық етпейді.