$ 442.05 € 474.14 ₽ 4.74
Ауру мал сатылымға шығарылмайды.
2025 жылдан бастап еліміздің барлық аймақтарында малдың анықтамасы QR-кодпен ғана беріледі, деп хабарлайды Skifnews.kz ақпарат порталы Қазақстан Телеарнасына сілтеме жасап.
Ұшқыр жоба әзірге еліміздің үш өңірінде; Павлодар, Алматы және Жетісу облыстарында енгізілген. Ерекшелігі сол, базардан ет алған кезде сойылған малдың ұрғашы немесе еркек, тіпті, жасы, қай шаруашылықта бордақыланып, қай қасапханада сойылғанына дейін білесіз. Ол үшін ұялы телефондағы қосымша арқылы етке басылған QR-кодты сканерлеу жеткілікті. Барлық ақпарат шыға келеді.
Бұл жаңашылдықтың ең басты тиімділігі еліміздегі төрт түліктің нақты саны есепке алынады. Мал ұрлығы тиылады. Ауру мал сатылымға шығарылмайды. Осы талаптарды орындау экспортқа жол ашады.
