Астанада оқушы қызды бірнеше жасөспірім зорлаған

29 қаңтар күні әлеуметтік желілерде Астанада мектеп оқушылары сегізінші сынып оқушысын зорлады деген ақпарат тарай бастады, деп хабарлайды Skifnews.kz ақпарат порталы. 

Zakon.kz мәліметінше, полицейлер бұл факті бойынша ҚР Қылмыстық кодексінің 121-бабының 4-бөлігі бойынша сотқа дейінгі тергеу амалдарын бастады.

Қажет сараптамалар тағайындалды. ҚР Қылмыстық-процестік кодексінің 201-бабына сай өзге мәліметтер тергеу мүддесі үшін жарияланбайды, - деді полиция.

ҚР Бала құқықтары жөніндегі уәкіл Динара Зәкиеваның айтуынша, бұл дерек 17 қаңтарда тіркелген.

Күдіктілер ұсталып, уақытша ұстау изоляторына қамалды. Тергеу амалдары жүргізіліп жатыр. Мен қыздың анасымен байланыстамын. Қызбен психолог жұмыс істеп жатыр, - деп түсіндірді Зәкиева.

Бұған дейін Атырау тұрғыны мүгедек баланы зорламақ болған оқиғадан кейін 17 жылын түрмеде өткізетіні хабарланған еді.