Абай облысында автожолдан 4 адамды құтқарылды

Құтқарушылар 4 адамды Қалбатау ауылына жеткізді.

Фото: Pixabay

"Алматы-Өскемен" Республикалық маңызы бар автожолында жеңіл автокөлік бұзылып, 4 адам жолда қалып қойған, деп хабарлайды Skifnews.kz ақпарат порталы.

Бүгін таңғы сағ.6-да 112 пультіне "Алматы-Өскемен" Республикалық маңызы бар автожолында жеңіл автокөліктің бұзылғаны және адамдарды эвакуациялау талап етілетіні туралы хабарлама келіп түсті.
Шақыру орнына келгеннен кейін жедел-құтқару жасағының қызметкерлері ақаулы жеңіл автокөліктен 4 адамды құтқарып, Қалбатау ауылына жеткізді.

Төтенше жағдайлар министрлігінің мәлімдеуінше, медициналық көмек қажет болмады.