$ 478.58  520.84  5.44

Қазақстан мен Өзбекстан шекарасында құпия туннель табылды

Ұзындығы 310 метрлік туннель Өрікзор махалласының 1975 жылы туған тұрғынының үйінен шыққан.

Фото: видеодан алынған кадр
Фото: видеодан алынған кадр

Қазақстан мен Өзбекстан шекарасында құпия туннель табылып, құны 1 миллиард сом тұратын дәрі-дәрмек тәркіленді, деп хабарлайды Skifnews.kz ақпарат порталы.

Өзбекстанда Қазақстан арқылы Үндістаннан сапасыз ірі көлемдегі дәрі-дәрмектерді жеткізумен айналысқан трансшекаралық қылмыстық топтың әрекеті әшкереленді.

Жедел шараны Мемлекеттік күзет қызметі Шекара әскерлерімен және Кеден комитетінің "Ташкент-Аэро" мамандандырылған кеден кешенімен бірлесіп жүргізді.

Жедел іс-шара барысында дәрі-дәрмектің келесі партиясы Делиден Алматыға Ташкент арқылы транзитпен жеткізіліп, одан кейін Қазақстанның Түркістан облысы, Сарыағаш ауданы, шекаралас Достық ауылына жеткізіліп, жасырын туннель арқылы Өрікзорға тасымалданғаны анықталды. 

Ұзындығы 310 метрлік туннель Өрікзор махалласының 1975 жылы туған тұрғынының үйінен шыққан. Құпия туннель желдету және жарықтандырумен жабдықталған, сонымен қатар, жүк тасымалдауға арналған арбалар мен арқандар бар. 

Қылмыстық топтың күдікті мүшелерінен Үндістанда жасалған 107 атаудағы 17 048 қаптама есірткі заттары тәркіленді, оның ішінде Альбумин, Ремдесивир, Меропенем және т.б. Олардың жалпы құны 1 миллиард сомнан асады.

Қылмыстық іс қозғалып, қылмыстық топқа қатысы бар деген күдікпен бірнеше адам ұсталды.

 

Дереккөз: Massaget.kz 

Сіздің реакцияңыз?
Ұнайды 1
Ұнамайды 2
Күлкілі 0
Ашулы 0

Серіктес жаңалықтары

Тегтер:

#дәрі