Батыс Қазақстанда несие төлеуге барған әйел өзін «өлілердің» тізімінен тапқан

Батыс Қазақстан облысы Жаңақала ауылының тұрғыны құжат бойынша өлі болып шыққан, деп хабарлайды Skifnews.kz ақпарат порталы. 

Айболат Бөкенов әлеуметтік желідегі парақшасында Гүлайна Айтасованың оқиғасын бөлісті. Әйел әдеттегідей несие төлемін жасаған кезде ақшасы қайтарылған. 

“Бұл ақшаны қайта аударып жібердім, бірақ ол шоттан алынбайды. Операторларға жүгінгенімде олар: "Сіз 4 шілдеде Астанадағы ауруханада қайтыс болған екенсіз" деді. Маған АХАЖ-ға, салық басқармасына, халыққа қызмет көрсету орталығына бару керегін айтты, осы мәселені шешіп жатырмын. Мен жалақымды алдым, Kaspi есепшоттары ашылды, ауруханаға дәрі-дәрмек алуға бардым, олардың базасында да мен өлілердің қатарында тұрмын. Зейнеткерлікке шыққалы жатырмын, жинаған ақшам не болады, несиені не істеймін, айыппұл бола ма деп алаңдаймын", – дейді әйел.

"Азаматтарға арналған үкімет" мемлекеттік корпорациясы" КЕАҚ жағдайға қатысты түсініктеме берді.

“4 шілдеде Астанадағы медициналық мекемеде бір әйел қайтыс болды. Медициналық ұйымның қызметкерлері мәліметтер базасына мәліметтерді енгізу кезінде ЖСН-ның бір цифрынан қате жіберген. Деректер базасында Батыс Қазақстан облысының тұрғынының деректері болды. Дәл сол медициналық ұйым базадағы мәліметтерді түзетуге мәжбүр болады", – деп түсіндірді ХҚКО.