Телефонның қуаттағышы жарылған: Петропавл тұрғыны хәл үстінде жатыр

Петропавлда ұялы телефонның қуаттағышы жарылып, пәтерде өрт шықты. Үй иесі ауыр жағдайда ауруханаға жеткізілген, деп хабарлайды Skifnews.kz ақпарат порталы.

Облыстық төтенше жағдайлар департаментінің баспасөз қызметі хабарлағандай, 16 тамыз күні таңертең үш қабатты тұрғын үйдің пәтерінде өрт шыққан.

“Өрт 5 шаршы метр аумақты шарпыған. Өрт 8 минутта сөндірді. 1968 жылы туылған ер адам ауруханаға жеткізілді", – деп хабарлады Солтүстік Қазақстан облысының төтенше жағдайлар департаменті.

Өрттің алдын ала себебі -  ұялы телефонның қуаттағышының қысқа тұйықталуы.

Облыстық денсаулық сақтау басқармасының баспасөз қызметі 56 жастағы ер адам "көмірқышқыл газының улы әсері" диагнозымен қалалық көпсалалы жедел жәрдем ауруханасына өте ауыр жағдайда түскен.

"Ол жедел түрде жансақтау бөліміне жатқызылды, қазір науқас комада, барлық қажетті шаралар толық көлемде жүргізілуде", –  деді денсаулық сақтау басқармасының баспасөз хатшысы Гүлнәр Сайлау.