«Соққыны бірінші болып жасау керек»: Сабина Алтынбекова күтпеген жазба жариялады

Қазақстандық волейболшы Сабина Алтынбекова қыздарға қатысты зорлық-зомбылық туралы ойын ортаға салып, жігіттер тарапынан қорлыққа төзбеуге шақырды, деп хабарлайды Skifnews.kz ақпарат порталы.

Сабина Алтынбекова әлеуметтік желідегі парақшасында ата-аналарға арнап жазба жариялады. Ол әрбір ата-ана қызына өзін қорғауды және абьюзермен қарым-қатынаста қорқынышын қалай жеңуі керектігін үйретуі керек деп санайды, деп жазады 1bol.kz.

«Қыздарыңызға «жоқ» деп айтуды үйретіңіз. Қажет болса, қыздарыңыз дауыс көтере де білсін. Қыздарыңызға әділетсіздікке қарсы тұруды үйретіңіз. Қауіпсіздікті сыпайылықтан жоғары қоюды үйретіңіз. «Көмектесіңіз» деудің орнына «өртеніп жатыр!» деп айқайлауды үйретіңіз. Қыздарыңызға өз денесінде өзін жайлы сезінуді үйретіңіз. Ұятсыз өмір сүруді үйретіңіз. Соққыны бірінші болып жасауды үйретіңіз. Жауап ретінде тістеп алуды үйретіңіз. Лайықты қарым-қатынас көрсетілмесе, әлемді күлге айналдыруды үйретіңіз. Қыздарыңызға өзіне қиянат жасағандарды әшкерелеуді үйретіңіз. Өте байсалды, сөйте тұра қауіпті болуды үйретіңіз. Өзіне сенімді болуды үйретіңіз. Не қалайтынын түсінуді үйретіңіз. Қыздарыңызға өз көзқарасын қорғауды үйретіңіз. Батыл болуды үйретіңіз. Ержүрек болуды үйретіңіз. Қыздарыңызға жақсылыққа сенуді үйретіңіз. Сонан соң олар осыған лайық екенін айтыңыз. Қыз баланың тағдыры ауыртпалықпен астарлас болуы міндет емес», – деп жазды Алтынбекова.

Еске салайық, жуырда ғана танымал волейболшы күйеуімен ажырасқанын мәлімдеген болатын. Алайда, мұндай қадамға не үшін барғанын ол айтқан жоқ.