100 адамға тегін билет: Алматыда аквапаркте тегін шомылмақ болғандар тапталып қала жаздады (ВИДЕО)

Алматыда жаңадан ашылған сауда орталығында адамдар тапталып қала жаздады, деп хабарлайды Skifnews.kz ақпараттық порталы.

Журналист Сырым Итқұлов таратқан видеодан адамдардың сауда орталығына жапа-тармағай кіріп бара жатқанын байқауға болады.

Алматыда жаңа сауда және ойын-сауық орталығының ашылу салтанаты аясында аквапаркке алғаш келген 100 адамға тегін кіру мүмкіндігі ұсынылған. Алайда бұл акция адамдардың жаппай ағылуына, тіпті қауіпті деңгейдегі қысым мен итерісу жағдайларына себеп болды.

Instagram-да жарияланған бейнежазбаларда адамдардың есікке қарай жапа-тармағай жүгіріп, бір-бірін итеріп, қауіпсіздік ережелерін елемей кірмек болған сәттері көрініс тапты.