Қол-аяғы көгеріп, денесі жарақаттанған.
Атырауда күйеуінен жапа шеккен ананың суреттері әлеуметтік желіде тарады. Ақпаратқа сүйенсек, ер адам түрмеден босап шығып, үйіне оралған соң әйелін аяусыз ұрып-соққан. Зардап шегуші түрлі жарақатпен ауруханаға түсті, деп хабарлайды Skifnews.kz ақпарат порталы. Куәгерлердің айтуынша, әйелдің басынан ауыр соққы алып, көзін дәкемен таңуға тура келген. Қол-аяғы көгеріп, денесі жарақаттанған. Желі қолданушылары ашуға булығып, құқық қорғау органдарын қатаң шара қабылдауға шақыруда. “Әйел – аманат, оны қорғай алмаған еркек адам емес”, – деп жазды пікір қалдырушылардың бірі. Полиция әзірге күдіктіні қамауға алмағаны айтылуда. Қоғам өкілдері Бас прокуратура мен ІІМ-нен бұл істі бақылауға алып, әділ шешім шығаруды талап етіп отыр.