Ғимарат ішінде 200-ден астам адам болуы мүмкін.
Мәскеудің солтүстігінде салынып жатқан көп қабатты ғимаратта өрт шықты, деп хабарлайды Sn.kz ақпарат порталы.
— Соңғы мәліметтер бойынша, 31 адам құтқарылды, жеті адам жарақат алды, үшеуі қаза тапты. Ғимараттың екінші қабатынан құтқару жұмыстары жалғасып жатыр, — деп хабарлады Ресей Төтенше жағдайлар министрлігінің баспасөз қызметі.
Ғимарат ішінде 200-ден астам адам болуы мүмкін.
Өртке ең жоғары деңгейлі күрделілік, бесінші дәреже берілді. 120-дан астам адам және 30 техника жұмылдырылды.
Алдын ала мәлімет бойынша, өрттің себебі жұмысшылар кабинасындағы электр панеліндегі қысқа тұйықталу болуы мүмкін.
— Бұл оқиға бойынша процедуралық тергеу барысы мен нәтижесін прокуратура бақылап отыр, — деп хабарлады Мәскеу прокуратурасының баспасөз қызметі.
Жауған қар мен жел өрт сөндіру жұмыстарына кедергі келтіріп жатыр.