Оның айтуынша, бұл шешімді ол бұрыннан қабылдаған, алайда енді ғана көпшілік алдында жариялауды жөн көрген.
Қазақстанның Денсаулық сақтау министрі Ақмарал Әлназарова қайтыс болғаннан кейінгі донорлыққа келісімін ресми түрде тіркеді, деп хабарлайды Sn.kz ақпарат порталы.
Оның айтуынша, бұл шешімді ол бұрыннан қабылдаған, алайда енді ғана көпшілік алдында жариялауды жөн көрген.
«Қайтыс болғаннан кейінгі донорлық – өмір сүруге мүмкіндік беретін адамдарға өмірден өткен соң да көмектесудің бір жолы», – деп жазды министр.
Әлназарованың мәліметінше, қазірдің өзінде шамамен 184 мың қазақстандық eGov арқылы қайтыс болғаннан кейінгі донорлыққа қатысты өз еркін білдірген.
Бүгінде елімізде 4 867 адам трансплантацияны күтуде. Оның ішінде 4 311 адамға бүйрек, 314 адамға бауыр, 30 адамға өкпе және 12 адамға жүрек трансплантациясы қажет.
Министр қайтыс болғаннан кейінгі донорлықты дамыту үшін қоғамдағы сенім, ашық диалог және азаматтардың саналы шешімі маңызды екенін атап өтті.