$ 447.4 € 477.55 ₽ 4.76
Жаңа технологиялар жасаумен айналысатын құқық қорғау ұйымдарының коалициясы интернет қолданушыларына компьютерлік жүйелеріне электрондық бақылау жасау бағдарламаларының еніп кеткенін анықтайтын Detekt атты бағдарлама жасап шығарды, деп хабарлайды Азаттық радиосы.
Бағдарламаны Amnesty International, Electronic Frontier Foundation, Privacy International және Digital Gesellschaft ұйымдары бірлесе жасаған.
Amnesty international ұйымы өкілдерінің айтуынша, бағдарламаны тек құқық қорғаушылар мен журналистер ғана пайдалана алады. Ол өзінің электрондық бақылауға алынғанына күдіктенген кез-келген адамға берілмейді. Detekt бағдарламасын resistsurveillance.org сайтынан жүктеп алуға болады.
Бағдарламаны жасаған мамандардың айтуынша, стандартты антивирустық бағдарламалардың көпшілігі тыңшылық жасайтын қосымшаларды анықтай алмайды.
Amnesty International-дың мәліметтері бойынша, көп елдердің билігі веб камерадан видеожазба кадрын көшіріп алуға және микрофон арқылы тыңдауға мүмкіндік беретін аңдудың әбден жетілген әдіс-тәсілдерін қолданады. Detekt аңдуға арналған сегіз түрлі бағдарламаны анықтай алады.
