$ 439.43 € 473.31 ₽ 4.82
Тәжікстанның ІІМ мен Бас прокуратурасы 370 ЛГБТ мүшесін тіркеуге алған. Олардың бәрі арнайы операция кезінде анықталды деп хабарлайды бас прокуратураның ресми журналы. Бұл туралы Азаттық тілшілері жазды.
Тізімде 319 гей мен 48 лесби бар екен. «Олардың гомосексуал екендері дәлелденді. Жедел есепке алынды»,- деп жазады басылым.
Тәжікстанның ІІМ бұл ақпаратқа түсініктеме беруден бас тартты. Бірақ аты-жөнін айтпауды сұраған құқық қорғау органдарының өкілі олардың бәрі жезөкше ретінде тіркелгенін әрі ВИЧ-инфекциясын жұқтыру мүмкіндіктері жоғары екенін айтады.
2015 жылдың мамыр айында СПИД-пен күрес жөніндегі ғаламдық қор Тәжікстанда 30 мыңға жуық ер адамның ВИЧ және құрт індетімен ауыратынын мәлімдеген. Бірақ ІІМ оны жоққа шығарған.
