$ 448.15  483.46  4.86

Теңіз кен орнында жатақхана өртеніп кетті

Атырау облысы Теңіз кен орнында жатақхана өртеніп, екі адам жапа шекті деп жазады «ҚазАқпарат».

«Жексенбі күні түстен кейін Жылыой ауданы Теңіз вахталық ауылындағы жатақханалардың бірінде өрт шықты. Ол жерден 71 адам қауіпсіз жерге шығарылды. Олардың барлығы –  сонда тұрып жатқан вахталық жұмысшылар. Өкінішке қарай, екі адам жапа шегіп, ауруханаға жеткізілді. Алдын ала болжам бойынша, олар өрттен қашамыз деп екінші қабаттан секірген», – деп мәлімдейді Атырау облысы ІІД баспасөз хатшысы Назымгүл Қайсағалиева.

Әлеуметтік желіде оқиға куәгері болғандардың айтуынша, 500 шаршы метр аумақты алып жатқан жатақхана ғимараты түгі қалмай жанып кеткен.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары