$ 443.44 € 480.51 ₽ 4.88
Ақтауда кеше түнгі сағат 00:15 шамасында Green Park тұрғынүй кешенінде автокөлік өртенді. Бұл туралы Маңғыстау облысының ТЖД «Өрт сөндіру және авариялық-құтқару жұмыстары қызметі» хабарлап отыр.
Өрт сөндіру қызметіне хабарлама сағат 00:18-де түсіп, оқиға орнына жедел түрде автоцистерна мен алты адам жеткізілген.
«Сағат 00:26-да келген өрт сөндірушілер жалынды 00:35 шамасында тоқтата алды. Зардап шеккендер жоқ», - деп мәлімдейді баспасөз қызметі.
Анық болғандай, 2011 жылғы Opel Astra автокөлігі жанып кеткен. Қазіргі кезде өрттің шығу себеп-салдары анықталуда.
