Алаяқтар астаналық бойжеткенге порно сайтқа кіргені үшін айыппұл төлеткен

Порнографиялық сайтқа кіргені үшін алаяқтарға айыппұл төлегенін айтып бойжеткен полиция бөлімшесіне арызданды деп жазады Sputniknews.kz. 

Маусым айының соңында астаналық ару өз смартфонынан интернетте белгісіз сілтемеге кірген. Алайда, телефон экранына порно-сайттарға кіргені үшін Qiwi-кошелекке айыппұл төлейтіні туралы хабарлама шыққан. Бұл жалған хабарламаға сеніп қалған бойжеткен сондағы көрсетілген нөмірге ақша аударған.

Қазіргі уақытта сотқа дейінгі тексеру жұмыстары жүргізілуде.