$ 447.4 € 477.55 ₽ 4.76
Жаңа Мәскеу ауданында 2 жасар сәби үй жағдайында сүндетке отырғызылып, аурухананың жансақтау бөлімінен бір-ақ шықты. Оның ағзасы анестезияға кері әсер беріп, комаға түсіп қалған деп жазады "Вести" порталы.
Оқиға Десеновское елдімекенінде болған. Баланың ата-анасына дәрігерді үйге шақыртуға таныстары кеңес беріпті. Сүндетке отырғызған адам Ресейде жұмыссыз ретінде тіркеліпті, бұрындары Тәжікстанда педиатр-дәрігер болып жұмыс істеген.
Балаға анестезия салынғаннан кейін ол қалтырап-дірілдеп, демалуы қиындап кетіпті. Дереу келген жедел жәрдем оны жансақтау бөліміне жатқызған. Абырой болғанда, дәрігерлер оның өмірін аман алып қала алды. Ал, Тергеу комитеті болса 54 жастағы ер азаматты ұстап, оның үстінен қылмыстық іс қозғап отыр.
