Ұлттық валюта 3 теңгеге нығайды

Ұлттық валюта бағамы KASE қор биржасының таңғы саудасында долларына 364,44 теңгеге нығайды деп жазады Tengrinews.kz.

19 қарашада өткен күндізгі сессияның қорытындысы бойынша бір доллардың құны 367,19 теңге болған.

20 қарашадағы таңғы сауданың бірінші келісімі 366 теңгемен өтті. Максимал құны да осы болды, ал минимал құны - 363,7 теңге.

Астана уақытымен сағат 11.12-те Brent маркалы мұнай бағасы барреліне 66,58 доллар болды. Kurs.kz мәліметінше, ұлттық валюта бағамы айырбастау орындарында 365-367,5 теңге аралығында саудаланып жатыр.