Алматыда «бомба бар» деген хабарламадан соң БАҚ қызметкерлерін эвакуациялады

Алматыда «бомба жасырылған» деген хабарламадан кейін Республика алаңындағы №13 ғимараттан адамдарды эвакуациялады. Бұл туралы Алматы қалалық полиция департаменті хабарлады.

Ғимаратта бірнеше телеарна, радио мен басқа да ақпарат құралдарының редакциялары орналасқан.

КТК телеарнасының хабарлауынша, редакцияға бүгін әлдекім қоңырау шалып, «жарылғыш зат қойылғаны» туралы хабарлаған. Алматы қалалық полиция департаментінің баспасөз хатшысы Салтанат Әзірбек тексеру басталғанын және кім қоңырау шалғаны анықталып жатқанын айтты.

Дереккөз: Азаттық