Жаңалықтар 25.12.2018 сағат 08:31

ҚР Ішкі істер министрлігінің Өзіндік қауіпсіздік қызметі күшейтіледі

ҚР Ішкі істер министрлігінің Өзіндік қауіпсіздік қызметі күшейтіледі. Бұл туралы бүгін «Құқық қорғау органдары қызметінің ашықтығы» атты конференция барысында  ҚР ІІМ жанындағы Қоғамдық кеңес төрағасы Марат Қоғамов мәлім етті деп жазады ҚазАқпарат.

ҚР Ішкі істер министрлігінің Өзіндік қауіпсіздік қызметі күшейтіледі
Бөлісу
Бөлісу
Бөлісу

Оның айтуынша, бүгінде Үкіметтің қарауында жатқан ішкі істер органдарын жаңғырту жөніндегі жол картасында  жемқорлыққа қарсы іс-қимыл мәселелеріне арналған жеке бөлім бар. 

«Полицейлер кейде жемқорлық әрекетке барып жатады. Мұндай оқиғалар кездеседі және олар сот тәжірибесіндегі құқықтық, қылмыстық статистикаларда бар. Сондықтан ең алдымен полиция көрсететін барлық мемлекеттік органдарды барынша автоматтандыру керек. Полицияның көптеген бөлімшелері халыққа мемлекеттік қызметпен айналысады. Демек, аталған процестерді автоматтандыру полиция қызметкерлеріне нақты қызмет алушыдан бөлектейді»,  - деді ол. 

Қоғамдық кеңес төрағасының айтуынша, тәртіптік жауапкершілік мәселесі де қатаңдатылады. 

«Тәртіптік жауапкершілік күшейтіліп, бағынышты қызметкері адамгершілік, заң нормаларынан бұрыс кетсе, бірінші басшысы да, құқық бұзушы да қатаң жауапқа тартылады», - деді Марат Қоғамов. 

Осы ретте ол ішкі істер органдарындағы өзіндік қауіпсіздік қызметі күшейтілетіндігін баса айтты. 

«Жол картасының жобасында Ішкі істер министрлігінің ішкі, өзіндік қауіпсіздік қызметін күшейту және дамытуға баса мән берілген. Олар полиция қатарындағы жемқорлармен күресіп, адал қызметкерлерді қылмысты ашу және тергеу барысында құқыққа қайшы әрекеттерден қорғайды», - деді ол.  

Оқи отырыңыз

загрузка...

Соңғы жаңалықтар

Қызықты материалдар