$ 448.15  483.46  4.86

Облыстық білім басқармасы Қызылордада дәретханада қатарласын ұрған жасөспірімдерге қатысты түсінік берді

Қызылордада дәретханада қатарласын ұрып соққан жасөспірімдер туралы видеоға облыстық білім басқармасы түсінік берді, деп хабарлайды ҚазАқпарат.

Естеріңізге сала кетелік, әлеуметтік желілерде қатарлас оқушыны ұрып-соққан балалар жайында видео тарап кеткен еді. Таяқ жеген оқушыға бірнеше жасөспірім қол жұмсаған. 

Қызылорда облыстық білім басқармасы аталмыш видеоға байланысты төмендегіше түсінік берді. Аталмыш келеңсіз оқиға бұдан бір жыл бұрын түсірілген. Ол 2018 жылдың 18 ақпанында болған. 

«Бұл оқиға Қызылорда қаласындағы №10 мектепте орын алған. Видеодағы жасөспірімдер былтыр 9-сыныпты бітірген. Қазір қаладағы колледждерде білім алады. Қазір мектепте оқымайды. Бұл оқиға бойынша ешкім арыз түсірмеген. Жергілікті полиция өкілдері мән-жайды анықтап жатыр», - дейді облыстық басқармасының баспаөз қызметі. 

Бұдан бұрын Мектеп дәретханасында құрдастарын соққыға жыққан оқушылар сотталуы мүмкін екенін хабарланған еді.

 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары