Жаңалықтар 30.01.2019 сағат 09:52

2020 жылдан бастап асыраушысынан айрылғандарға берілетін әлеуметтік төлем 30 пайызға артады

Мемлекет басшысы Нұрсұлтан Назарбаев еліміздегі еңбек жарамдылығын жоғалтқан, асыраушысынан айрылған адамдарға берілетін орташа әлеуметтік төлемнің мөлшерін 30 пайызға көбейтуді тапсырды, деп хабарлайды ҚазАқпарат.

2020 жылдан бастап асыраушысынан айрылғандарға берілетін әлеуметтік төлем 30 пайызға артады
Бөлісу
Бөлісу
Бөлісу

«Өткен жылы біз әлеуметтік қолдаудың ауқымын айтарлықтай арттыра білдік. Үкіметке 2020 жылдың 1 қаңтарынан бастап еңбекке жарамдылық қабілетін жоғалтқан, асыраушысынан айрылған адамдарға берілетін орташа әлеуметтік төлемнің мөлшерін МӘСҚ есебінен 30 пайызға дейін арттыруды тапсырамын. Мәдина (Әбілқасымова - авт.), бұл жұмысты жүргізуге бола ма?», - деді Үкіметтің кеңейтілген отырысында Елбасы Еңбек және халықты әлеуметтік қорғау министріне. 

Өз кезегінде Мәдина Әбілқасымова бұл бағытта заң жобасы әзірленгенін, наурыз айында Парламентке енгізуге дайын екенін айтты. 

«Сонымен бірге, мүгедектердің құқығын қорғау сапасын арттырудың ұлттық жоспары да бар емес пе?!», - деді Президент. 

Еңбек және халықты әлеуметтік қорғау министрі аталмыш ұлттық жоспар Қазақстанда тұңғыш рет кешенді интеграциялық жоспар ретінде жасалып жатқанын жеткізді. 

«Ол мүгедектігі бар адамдардың құқығын қорғау, инклюзивті білім беру, жұмысқа орналастыру, кедергісіз орта, әлеуметтік қызметтердің сапасын арттыру салаларын қамтиды», - деді министр. 

Еске сала кетсек, Үкімет үйінде ҚР Президенті Нұрсұлтан Назарбаевтың төрағалығымен Үкіметтің кеңейтілген құрамдағы отырысы өтіп өтті.

Оқи отырыңыз

загрузка...

Соңғы жаңалықтар

Қызықты материалдар