$ 448.15  483.46  4.86

БҚО-да ер кісі досының мәйітін кереуеттің астына тығып қойып, 27 күн бойы бірге тұрған

Адамның денесін жүргізушілердің бірі тауып алыпты.
Фото: marionetki.net
Фото: marionetki.net

Батыс Қазақстан облысының мамандандырылған ауданаралық сотында Серікжан Әділовке қатысты үкім шығарды, деп хабарлайды sputniknews.kz жергілікті Мой Город порталына сілтеме беріп.

58 жастағы қылмыскер «Ғимарат» ЖШС-да күзетші болып қызмет етіпті. 3 наурыз күні кешкі 20:00-де  әріптесі Марат Черниязовпен ішімдік ішкен. Екеуі сөзге келіп қалып, Черниязов Әділовке соққы жасаған. Ол да жауап берді. Соққының қатты болғаны соншалық, Черниязов есінен танып қалған. Ал Әділов болса, әріптесін ұруын тоқтатпаған.

Әділов Черниязовтың бас сүйегін сындырып жіберген. Мәйітті кереуеттің астына тығып қойып, 27 күн бойы өзі де сол бөлмеде тұрған. Адамның денесін жүргізушілердің бірі тауып алыпты.

Тергеу кезінде қайтыс болған Черниязовтың Әділовті қайғылы оқиғаға дейін бірнеше мәрте соққыға жыққаны анықталды. Екеуі де отбасынан кетіп, жұмыс орнында тұрған.

Сот Әділовті ҚР Қылмыстық кодексінің 99-бабы (адам өлтіру) бойынша кінәлі деп таныды. Қылмыскер он жылға дейін бас бостандығынан айырылды.

Сот үкімі заңды күшіне енген жоқ. 

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары

Тегтер:

#сот #БҚО #мәйіт