Жаңалықтар 07.02.2020 сағат 17:20

Түркиядағы ұшақ апаты: қазақстандық жолаушылардың қазіргі жағдайы қалай? (ВИДЕО)

Pegasus әуе компаниясының мәліметіне сай, ұшақ бортында 177 жолаушы болған.
Бөлісу
Бөлісу
Бөлісу

Түркияда болған ұшақ апатынан Қазақстанның екі азаматының терісі аздап сыдырылды. Олар ауруханадан шығарылды, деп хабарлайды Skifnews.kz ақпарат порталы сыртқы істер министрлігінің ресми өкілі Айбек Смадияровтың мәлімдемесіне сілтеме жасап.

Бұған дейін қазақстандықтардың Стамбұлдағы Фатих Сұлтан Мехмет клиникасына жатқызылғаны туралы ақпарат тараған болатын.

«Азаматтардың терісі аздап сыдырылған. Олар ауруханадан шығарылды. Диломаттардың көмегінен бас тартты», - деп түсініктеме берді Смадияров.

Pegasus әуе компаниясының мәліметіне сай, ұшақ бортында 177 жолаушы болған. Көбі – Түркия азаматтары (155), одан кейін АҚШ-тың төрт азаматы, Қытайдың төрт азаматы, Ирактың үш азаматы, Израильдің екі азаматы, Қырғызстанның үш азаматы бар. Бұған қоса, Швеция, Сирия, Ливан, Морокко мен Түрікменстаннан бір азаматтан болған.

Әуе компаниясы дерегі бойынша жолаушылар тізімінде Қазақстан азаматы біреу ғана болған. Ақпараттардағы қарама-қайшылыққа түсініктеме берілген жоқ.

Түркияның Стамбұл қаласындағы Сәбиха Гөкчен атындағы әуежайға қонған Pegasus Airlines әуе компаниясының Boeing-737-800 ұшағы үшке бөлінді.

Төтенше жағдай салдарынан үш адам қаза болып, 179 адам зардап шекті.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар