Жаңалықтар 25.02.2020 сағат 18:00

Жасөспірімнің ыңғайсыз сұрағы министрді қатты састырды

Жыныстық қатынасқа түскенін жақынынан жасырған жасөспірімдер екі ортада жұқтырып алған аурудан емделе алмай жүр екен.
Жасөспірімнің ыңғайсыз сұрағы министрді қатты састырды
Бөлісу
Бөлісу
Бөлісу

Жасөспірімдердің жыныстық қатынас туралы сұрағы Денсаулық сақтау министрін әбден састырды, деп хабарлайды Skifnews.kz ақпарат порталы, КТК арнасына сілтеме жасап. 

Елжан Біртанов жаңадан әзірленіп жатқан заң жобасын талқылауға Алматыға арнайы келген. Кілең медицина маманы жиналған жиында күтпеген жерден бір топ оқушы пайда болып, жыныстық ауруларға шалдыққанын ашық айтты.

"Осы уақытқа дейін гинекологқа қаралған емеспін. Яғни, ауруым асқынып кетуі мүмкін. Сырқатым туралы анама айтуға қорқамын. Сізден сұрайтыным, 16 жастағыларға да дәрігерге өз бетімен қаралуға рұқсат етілсе. Ешкімге айтпай, өзім барып емделгім келеді", - деді 10 сынып оқушысы София.

 Жасөспірімдердің айтуынша, кәмелетке толмағандарды гинекологтар маңына жуытпай, ата-анасын ертіп келуді талап етеді. Жыныстық қатынасқа түскенін жақынынан жасырған жасөспірімдер екі ортада жұқтырып алған аурудан емделе алмай жүр екен. Жиынға жүрексінбей келген оқушылардың бірі тіпті, өз-өзіне қол жұмсамақ болғанын айтып ағынан жарылды. 

Мәліметтерге қарағанда, елімізде 16-дан асқандардың тең жартысына жуығы жыныстық қатынасқа түскен. Кәмелетке толмағандарға өз бетімен дәрігерге қаралуға рұқсат сұраған қыз-жігіттерге Біртанов бас изегендей болды. Ал «Халық денсаулығы туралы» заң жобасын даярлауға атсалысып жүрген Мәжіліс депутаты Зәуреш Аманжолова ұл-қыздардың тілегі ескерілетінін айтты.       

"Өмір болғаннан кейін бәрі болады. Соны өзі емдемей, әрине медициналық дәрігер айтып, қандай инфекция екенін, қалай ем алу керек екенін, жөн-жолын жазып бергені, айтып бергені дұрыс. 16 жастан бастап консультативтік-диагностикалық көмекке бара алады", - деді Мәжіліс депутаты Зәуреш Аманжолова.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар