Жаңалықтар 21.03.2020 сағат 15:05

Отбасы Францияда демалыста болған: Нұр-Сұлтанда төрт айлық сәбиден коронавирус табылды

Аталған рейстің қалған 63 жолаушысы үй жағдайында карантинде жатыр. Қазір Нұр-Сұлтанда коронавирус жұқтырған 28 адам тіркелген.
Отбасы Францияда демалыста болған: Нұр-Сұлтанда төрт айлық сәбиден коронавирус табылды
Фото: pixabay.com
Бөлісу
Бөлісу
Бөлісу

 Нұр-Сұлтан қаласында коронавирус жұқтырған 28 науқастың ішінде төрт айлық сәби бар. Бұл туралы брифингте қоғамдық денсаулық сақтау басқармасының басшысы Сәуле Қисықова мәлімдеді, деп хабарлайды Sputniknews.kz.

"2020 жылдың 20 наурызында тіркелген үш науқас – төрт айлық сәби мен оның ата-анасы. Париж – Минск – Нұр-Сұлтан рейсімен ұшып келген. Эпидемиологиялық ахуалы қолайсыз елден келгендіктен, 19 наурыздан бастап біздің стационарға алынды",- деді Қисықова.

Бұл отбасы 9 наурыздан бастап Францияда демалыста болған. Сол себепті Қазақстанға келген соң, бірден стационарға жатқызылды.

"Үш науқаспен жақын байланыста болған адамдармен, ұшақ бортында және басқа да жолаушылар бойынша тиісті жұмыстар басталды. Жақын қарым-қатынаста болған жеті жолаушы анықталды, оның алтауы ауруханаға жатқызылды. Тағы бір адам өз өңірінде ауруханаға жатуға дайындалып жатыр", - деді басқарма басшысы.

Аталған рейстің қалған 63 жолаушысы үй жағдайында карантинде жатыр. Қазір Нұр-Сұлтанда коронавирус жұқтырған 28 адам тіркелген.  

Қисықованың айтуынша, дәрігерлер олардың жағдайын қанағаттанарлық деп бағалап отыр. Соңғы мәлімет бойынша, Қазақстанда коронавирус жұқтырғандар саны 53 адамға жетті. Алматы қаласында – 22, Нұр-Сұлтан қаласында – 28, Қарағанды қаласында – 2, Алматы облысында – 1.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар