Жаңалықтар 21.03.2020 сағат 16:25

«Індетке жайбарақат, бей-жай қарауға болмайды» - Тоқаев (ФОТО, ВИДЕО)

Үкімет қысқа мерзім ішінде азаматтарды бетпердемен және антисептиктермен қамтамасыз етуі тиіс.
«Індетке жайбарақат, бей-жай қарауға болмайды» - Тоқаев (ФОТО, ВИДЕО)
Фото: akorda.kz
Бөлісу
Бөлісу
Бөлісу

Президент Тоқаев коронавируспен күрес жұмыстарын үйлестіру және мониторинг жасау жөніндегі Шұғыл әрекет ету орталығына барды, деп хабарлайды Skifnews.kz ақпарат порталы. Бұл жайлы президент әлеуметтік желі арқылы хабарлады.

Орталық жағдайымен танысқан мемлекет басшысы әлемді алаңдатып отырған коронавирус індетіне жайбарақат қарауға болмайтынын ескертті.

"Коронавируспен күрес жұмысын үйлестіретін Шұғыл әрекет ету орталығына бардым. Қысқа мерзімде құрылған Орталық қалыптасқан жағдайға мониторинг жасап, науқастарды анықтау және есепке алу үшін озық технологияны қолданады.

Орталықтың негізгі міндеттерінің бірі – халыққа шынайы ақпарат беру. Жекелеген БАҚ пен әлеуметтік желіде жалған мәліметтер таралып жатқан кезде бұл өте маңызды. Коронавирусқа қатысты барлық ресми ақпарат http://coronavirus2020.kz сайтында.

Екі негізгі қалада карантин режимін қатаң сақтау – баршамызға ортақ міндет. Бұл індетке жайбарақат, бей-жай қарауға болмайды. Қойылған талаптарды орындау қажет. Үкімет қысқа мерзім ішінде азаматтарды бетпердемен және антисептиктермен қамтамасыз етуі тиіс", - деп жазды Тоқаев Twitter-дегі парақшасында. 
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар