$ 449.58  486.94  4.86

«Футболшылар бір жыл жалақы алмаса да өмір сүре алады» - ойыншы

Ал қиыншылығы бар адамдар үйден шықса ұсталады. Шықпаса балалары аш қалады.
Фото: pixabay.com
Фото: pixabay.com

«Манчестер Юнайтед», «Манчестер Сити», «Ювентус» сынды атақты клубтардың және Аргентина құрамасының бұрынғы ойыншысы Карлос Тевес карантин кезінде қиыншылығы барларға көмектесу керек екенін айтты.

"Біз сөзсіз өзге адамдарға көмектесіп, үлгі көрсетуіміз керек. Футболшылар, әртістер кедей өңірлерге барып көмек қолын созғаны жөн.

Футболшылар жарты жыл немесе бір жыл жалақы алмаса да өмір сүре алады. Біз күндегісін күнде тауып жүрген жандарға ұқсамаймыз. Олар әр күні таңғы алтыда кетіп, кешгі жетіде үйге оралады. Соның бәрі тек отбасын асырау үшін ғана.

Біздің балалар тамақтан тарықпайды. Ал қиыншылығы бар адамдар үйден шықса ұсталады. Шықпаса балалары аш қалады. Бұл адамды алаңдатады. Біз үшін үйде отырып алып видео түсіріп, челлендж ұйымдастыру өте оңай. Бірақ біз сыртқа шығып адамдарға нақты көмек беріп, үлгі көрсетуіміз керек. Мен солай істеуге дайынмын, - дейді Тевес.

Дереккөз: Abai.kz

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары