Жаңалықтар 01.03.2016 сағат 10:12

ОҚО-да бала тәрбиесіне салғырт қараған 60 ата-ана жауапқа тартылды

Оңтүстікқазақстандық полицейлер үш күн қатарынан жүргізген «Жасөспірім» жедел алдын алу шарасы барысында бала тәрбиесін дұрыс атқармаған 60 ата-ананы әкімшілік жауапкершілікке тартты. Бұл жөнінде облыстық ІІД-нің баспасөз қызметі хабарлап отыр.

Бөлісу
Бөлісу
Бөлісу

Айтулы шара ақпанның 24-26 күндер аралығында жүргізілген болатын. Оған мыңға жуық полицей мен  прокуратура, білім беру, денсаулық сақтау, тағы да басқа саланың өкілдері жұмылдырылды.

Іс-шара барысында ішкі істер органдарына 500-ге жуық жасөспірім жеткізілді, оның ішінде 430 – әкімшілік құқықбұзушылық жасаған. Олардың қатарында:

- түнгі уақытта заңды өкілдерінсіз тұрғын үйден тыс жерлерде жүрген – 327 жасөспірім;

- қоғамдық орындарда алкоголь ішімдігін ішкен – 7 жасөспірім анықталған.

Олардың ата-аналарына әкімшілік шара қолданылды.

"Сондай-ақ, түнгі уақытта кәмелетке толмағандардың ойын-сауық орындарында болуына жол берген 7 ойын-сауық орталығы және ойын-сауық орындарында болған 11 жасөспірім анықталды. Ата-анасының қадағалауынсыз жүрген 31 жасөспірім Кәмелекетке толмағандарды бейімдеу орталығына орналастырылды. Ювеналды полиция қызметкерлері балаларын тәрбиелеу жөніндегі міндеттерін дұрыс атқармағаны үшін 60 ата-ананы әкімшілік жауапқа тартты. Құқықбұзушылыққа бейім 97 жасөспірім және 68 қолайсыз отбасы ішкі істер органының есебіне алынды" делінген аталған хабарламада.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар