«Кім кінәлі?»: Дулат Ағаділдің жақтастары ашық сот-медициналық сараптамасын өткізуді талап етуде

Саяси белсенді Дулат Ағаділдің тергеу изоляторындағы өлімі дерегі бойынша тергеу амалдарының қалай жүргізіліп жатқаны туралы отбасының қорғаушысы Ғалым Нұрпеисов айтып берді, деп хабарлайды Skifnews.kz ақпарат парталы nege.kz-ке сілтеме жасай отырып.
«Бүгінгі таңда біз ең бастысын түсіндік. Қылмыстық процессуалдық кодексте 14-бап 7-бөлім бар, онда билік, құқыққорғау органдары қылмыстық процеске алған адамның денсаулығы, өмірі мен қауіпсіздігі үшін толық жауапкершілікте болады делінген. Бүгінгі таңда бізде дерек бар. Ол ұсталды, тергеу изоляторына қамалды. Бізде бар дерек – оның өлімі. Бұл ретте немқұрайлылық құрамының белгілері бар. Кім кінәлі? Қалай? Мұны тергеу анықтайды. Біз сол күні тергеу изоляторында кезекшілікте болған кінәлілерді қылмыстық жауапқа тарту туралы арыз жаздық», - деді Нұрпеисов сейсенбіде.

Сонымен қатар ол әзірге жүргізілген сараптамаға түсінік бергісі келмейтінін жеткізді. Ағаділдің отбасымен бірге қорғаушысы әзір тергеу шешімін күтуде. Сосын барлығы жария болады, деп мәлім етті Нұрпеисов.
Еске салсақ, саяси белсенді Дулат Ағаділ Нұр-Сұлтанда 25 ақпанда тергеу изоляторында қайтыс болды. Полиция ол мас болған-мыс және жүректен кетті деп санайды. Кейін ондаған қарсылық білдіруші Нұр-Сұлтанда Тәуелсіздік даңғылын жауып тастап, ІІМ басшылығының түсінік беруін талап етті. Азаматтар ашық сот-медициналық сараптамасын өткізуді талап етті. Күш құрылымдары белсенділерді полицейлік автобустарға күштеп отырғызып, белгісіз бағытта алып кеткен. Көшені жауып тастағандарды полицейлер «арандатушылар» деп атады. Кей ақпар бойынша шамамен 50 адам ұсталған, олардың біреуінің қолы сынған. Қазір ғаламторда Ағаділді ұстау кезіндегі видео тарап кетті – ұсталғандар азаматтық киім киген, беттерін жауып, өздерін таныстырудан бас тартты, саяси белсендінің қолына кісен салып, азаматтық нөмірі бар көлікпен алып кетті. Кейін белгілі болғандай, тергеу изоляторындағы бақылаушы Ағаділдің камерада бірнеше мәрте жүрегінің айнығанын білген.

Белсенділер өздерінің жақтастарының өлімін тексеру жөнінде штаб құрды. Қазақстандық адам құқығы жөніндегі халықаралық бюро директоры Евгений Жовтис Ағаділдің денесін тәуелсіз сарапшы-дәрігерлер тексеруі қажет деп санайды.