$ 447.4  477.55  4.76

Диас Қадырбаев жазасын Қазақстанда өтеуі мүмкін

Астана АҚШ-та түрлі мерзімге сотталған Қазақстанның екі азаматының жазасын отанында өтеу үшін елге қайтару туралы өтінішіне АҚШ-тан жауап күтіп отыр деп жазады "Орталық Азия жаңалықтар қызметі".

2013 жылғы 15 сәуірдегі Бостон марафонындағы терактқа қатысты қылмыстық іске кедергі жасады деп айыпталып, алты жылға сотталған Қазақстан азаматы Диас Қадырбаев Бас прокуратураның елге қайтаруын сұраған адамдардың тізімінде тұр. Осы іс бойынша үш жарым жылға сотталған келесі - Азамат Тажаяқов есімді азаматты елге қайтару туралы өтініш берілмеген.

Қазақстан Бас прокуратурасы отанына қайтаруды сұраған адамдардың ішінде Әсел Әбдығаппарова да бар. Ол кісі өлтіруге қатысқаны үшін Техас штатындағы түрмелердің бірінде 28 жылға сотталған.

Қазақстан 2015 жылдың 6-шы ақпанынан бастап, жазасын шетелде өтеу туралы, келісімге қол қойғандар арасында адам алмасу жайлы Америкааралық конвенцияға қосылған.

Соңғы бес жылда, ресми дерек бойынша, шетелде сотталған 158 қазақстандық азамат отанына қайтарылған.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары