Жаңалықтар 18.08.2020 сағат 14:40

Қазақ журналистері енді митингтен хабар тарату үшін бірқатар ережелерге бағынуы тиіс

Тиісті бұйрыққа ақпарат және қоғамдық даму министрі Аида Балаева қол қойды.
Қазақ журналистері енді митингтен хабар тарату үшін бірқатар ережелерге бағынуы тиіс
Бөлісу
Бөлісу
Бөлісу

Қазақстанда журналистердің митинг кезіндегі құқықтары мен міндеттері айқындалған ережелер бекітілді, деп хабарлайды Sputnik Қазақстан.

Тиісті бұйрыққа ақпарат және қоғамдық даму министрі Аида Балаева қол қойды.

Бұйрыққа сәйкес, журналист бейбіт жиналыстарда хабарламалар мен материалдар жинау, оларды өңдеу және дайындау бойынша өз қызметін жүзеге асыра отырып, Қазақстан заңдарында көзделген құқықтарға ие болады және міндеттерді мойнына алады.

Егер бейбіт жиналысқа қатысушылардың болжамды саны 200 адамнан асса, әкімдік журналистерді Жедел баспасөз орталығымен қамтамасыз етеді.

Жедел баспасөз орталығы мынадай шарттарға сәйкес келуі тиіс:

  • лентамен шектеу;
  • фото-, бейнетүсірілім жасау және сұхбат алу үшін жеткілікті түрде көрінуді қамтамасыз ету;
  • электрмен жабдықтау;
  • адамның өмірі мен денсаулығына қауіп төнген жағдайда, ішкі істер органдары қызметкерлерінің жедел ден қоюы арқылы журналистердің қауіпсіздігін қамтамасыз ету.

Журналист бейбіт жиналыстарда ақпарат жинау, өңдеу және дайындау бойынша өз қызметін Жедел баспасөз орталығының аумағында да, одан тыс жерлерде де жүзеге асырады.

Тағы оқыңыз: Бұдан былай бейбіт митинг өткізу үшін рұқсат алудың қажеті жоқ – Тоқаев

"Журналистерге олардың кәсіби қызметін жүзеге асыруға кедергі келтіретін адамдар Қазақстан заңдарына сәйкес жауапқа тартылады", - делінген бұйрықта.

Бұйрықта журналистің айырым белгілері де көрсетілген. Олар:

  • ашық көк түсті кеудеше, алдыңғы және артқы жағында жарық шағылыстыратын жолақтардың үстінде "PRESS" деген жазу бар;
  • қанық сары түсті жеңдегі таңғыш, ортасында "PRESS" деген жазу жазылады;
  • ортасында "PRESS" жазуы бар көк түсті жапсырма.
  • Бейбіт жиналыстар кезінде БАҚ өкілінің өзімен бірге журналист куәлігі де болуы тиіс.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар