$ 448.89 € 477.93 ₽ 4.76
Байқоңырда сот есірткі саудасымен айналысқан 43 жастағы көпбалалы жергілікті тұрғынға қатысты үкім шығарды, деп хабарлайды Kyzylorda-news.kz.
«1977 жылы туған Байқоңыр қаласының тұрғыны, қала аумағында есірткі сатумен және таратумен айналысқан көпбалалы ана қылмыс орнында ұсталды. Ұстау алдында «кептірілген марихуана» есірткі затын ірі мөлшерде өткізу фактісін анықтауға және тіркеуге мүмкіндік беретін жедел-іздестіру іс-шаралары жүргізілді»,- делінген Байқоңыр прокуратурасының хабарламасында.
Прокурор қызметкерлері ұстау кезінде әйелдің өзі есірткілік мас күйде болғанын хабарлайды.
«Қылмыстық істі тергеу барысында ол өзінің кінәсін толық мойындады»,- деп нақтылайды прокуратурада.
Кінәсінің мойындалуына және төрт жас баласының болуына қарамастан, сот орташа қауіпсіз мекемеде жазасын өтеуі үшін оны алты жылға бас бостандығынан айыру түріндегі жазаны анықтады.
«Сотталушының кәмелетке толмаған балалары Байқоңыр қалалық білім басқармасының қамқорлығына берілді»,- деді қала прокуратурасы өкілдері.
