Ақжарқын Тұрлыбай жазасын Қазақстанда өтеуі мүмкін

Қытайда жазасын өтеп жүрген жерлесіміз Ақжарқын Тұрлыбай Қазақстанға ауыстырылуы мүмкін, деп хабарлайды Atameken Business арнасы.

Оның қорғаушылары тапсырған апелляцияны да өзгеріссіз қалдырды. Енді екі елдің арасындағы келісімге сәйкес, Ақжарқынды Қазақстандағы түрмеге ауыстыруы мүмкін. Ол үшін тек Ақжарқынның өз рұқсаты керек. Ал жерлесімізді елге нақты қашан әкелетіндігі әзірге белгісіз.

Өткен жылдың желтоқсанында Гуанчжоу соты оны есірткі контрабандасы үшін өмір бойына бас бостандығынан айырған болатын.

Оқи отырыңыз: Ақжарқынға қатысты шешуші сот үкімі шықты