Эмомали Рахмон өмірінің соңына дейін ел басқаруы мүмкін

Тәжікстанның ОСК 22 мамыр күні түске қарай сайлаушылардың 66% астамы келгендіктен конституциялық референдумның өткені туралы жариялады. Бұл туралы Орталық Азия жаңалықтар қызметі хабарлап отыр.

«Референдум барысында бақылаушылар мен азаматтардан ешқандай шағым түскен жоқ», - деді Тәжікстан Орталық сайлау комиссиясының басшысы Бахтиёр Худоёрзода.

Референдумда талқыға түскен өзгертулер президент Эмомали Рахмонға шексіз сайлауға түсуге жол ашады, президенттікке үміткер болу жасын 30 жасқа дейін төмендетеді. Соңғы өзгеріс Эмомали Рахмонның үлкен ұлына 2020 жылғы президент сайлауына қатысуына мүмкіндік береді.

Сонымен бірге, референдум арқылы қабылданған өзгертулер бойынша діни және ұлттық сипаттағы саяси партия мен бірлестіктер құруға тыйым салынады.