Жаңалықтар 24.10.2020 сағат 21:04

Польша президенті коронавирус жұқтырды

Дуда соңғы шетелдік сапарында 11-13 қазанда Украинада болған. Ол ел президенті Владимир Зеленскиймен кездескен.
Польша президенті коронавирус жұқтырды
Фото: gopolsha.com
Бөлісу
Бөлісу
Бөлісу

Польша президенті Анджей Дудадан коронавирус анықталды. Бұл туралы мемлекет басшысының баспасөз хатшысы Блажей Спихальский мәлімдеді , - деп хабарлайды Tengrinews.kz.

"Кеше президент Анджей Дуда коронавирусқа тест тапсырды. Нәтиже оң", - деп жазды Спихальский Twitter-де.

Баспасөз хатшысының айтуынша, президент өзін жақсы сезінеді.

Дуда соңғы шетелдік сапарында 11-13 қазанда Украинада болған. Ол ел президенті Владимир Зеленскиймен кездескен.

Бұған дейін Польша премьер-министрі Матеуш Моравецкий коронавирус жұқтырған адаммен байланыста болып, карантинде жатып шыққан. Қазіргі уақытта сыртқы істер министрі Збигнев Рау карантинде. Вице-премьер Яцек Сасин пандемия басталғалы вирус жұқтырған адамдармен байланыста болып төрт рет карантинде жатқан.

Польшада соңғы уақытта коронавирус инфекциясын жұқтырғандар мен өлім жағдайларының күрт өсуі байқалады. Жұмада тағы бір тәуліктік рекорд тіркелді - 13 632 жаңа жағдай. Бейсенбіде 168 адам қайтыс болды. Бұл да рекорд көрсеткіш.

Жұмада ел үкіметі коронавируспен күресудің жаңа шараларын қабылдады. Қазір Польшаның бүкіл аумағы "қызыл" аймаққа жатады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар