Жаңалықтар 31.10.2020 сағат 20:40

Еуропада коронавирустың жаңа түрі таралып жатыр

Вирустың жаңа түрі 20A.EU1 деп аталады. Ғалымдар бұл коронавирус инфекциясының жаңа мутациясы екенін мәлімдеді.
Еуропада коронавирустың жаңа түрі таралып жатыр
Бөлісу
Бөлісу
Бөлісу

Еуропада жаңадан тіркелген науқастардың 80%-і мутацияға ұшыраған коронавирусты жұқтырған. Бұл вирус осы көктемде және жазда бүкіл әлемді жайлаған індеттен өзгеше, деп хабарлайды Sputniknews.kz Қазақстанның COVID-19 таралуына жол бермеу жөніндегі ведомствоаралық комиссиясына сілтеме жасап.

Вирустың жаңа түріне 20A.EU1 атауы берілді.

Болжам бойынша, гендік мутация Испанияда маусым айында пайда болып, Еуропаға оралған туристерден таралды, делінген ведомствоаралық комиссияның телеграм-каналында.

Испаниялық генетик Иньаки Комастың пайымынша, мутацияға ұшыраған вирус індетке шалдыққандар қатысқан бұқаралық шарадан тарала бастады.

Ғалым вирустың одан әрі тез таралуына Испанияда демалған туристердің қауіпсіздік шараларын сақтамауы себеп болып отыр деп санайды.

Жаңа мутацияның қаншалықты жұқпалы және қауіпті екені әзірге белгісіз.

Бұған дейін, АҚШ-та бұдан да агрессивті, D614G деп аталған SARS-CoV-2-нің мутациясы анықталған еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар