Жаңалықтар 09.11.2020 сағат 16:40

Мемлекеттік еңбек инспекторлары адам саудасы фактілеріне байланысты тергеу жұмыстарын үйренбек

Президенттің айтуынша, құқық қорғау органдары мұндай қылмыстарды тергеу рәсімін жақсартуы керек. Кінәлілер сот тәртібімен қатаң жазалануға тиіс.
Мемлекеттік еңбек инспекторлары адам саудасы фактілеріне байланысты тергеу жұмыстарын үйренбек
фото: pixabay.com
Бөлісу
Бөлісу
Бөлісу

Республиканың барлық өңірлерінен келген мемлекеттік еңбек инспекторлары «Қазақстандағы адам саудасы: еңбекпен пайдалануға байланысты істерді анықтаудың, тергеудің және соттарда қараудың қиындықтары» тақырыбы бойынша оқытудан өтеді. Бұл туралы Skifnews.kz ақпарат порталы, Еңбек және халықты әлеуметтік қорғау министрлігіне сілтеме жасап хабарлайды. 

Арнайы курстарды ҚР Жоғарғы Сотымен, ҚР Ішкі істер министрлігімен, ҚР Еңбек және халықты әлеуметтік қорғау министрлігімен, ҚР ІІМ Қарағанды академиясымен бірлесіп, АҚШ-тың Нұр-Сұлтан қаласындағы Елшілігінің қатысуымен және қолдауымен Құқық қорғау органдары академиясы ұйымдастырды.

Мұндай оқыту Қазақстанда алғаш рет ұйымдастырылды. Бүгінгі таңда еліміздің 6 өңірінің мемлекеттік еңбек инспекторлары арнайы дайындықтан өтті. Ағымдағы жылдың желтоқсан айының ортасында оқуды барлық облыстар мен республикалық маңызы бар қалалардың мемлекеттік инспекторлары аяқтайды деп жоспарлануда.

Естеріңізге сала кетейік, Мемлекет басшысы өзінің «ЖАҢА ЖАҒДАЙДАҒЫ ҚАЗАҚСТАН: ІС-ҚИМЫЛ КЕЗЕҢІ» атты Жолдауында адам құқықтарын қорғау бойынша жаңа шаралар қабылдаудың маңыздылығын атап өткен болатын. Күн тәртібінде мемлекеттік органдардың үйлестірілген іс-қимылын талап ететін адам саудасына қарсы күрес тұр. Президенттің айтуынша, құқық қорғау органдары мұндай қылмыстарды тергеу рәсімін жақсартуы керек. Кінәлілер сот тәртібімен қатаң жазалануға тиіс.

Қазақстанда адам саудасына қарсы іс-қимыл бойынша жұмыс 2003 жылдан бастап ҚР Үкіметінің Адам саудасына байланысты қылмыстарға қарсы күрес, оларды болдырмау және алдын алу жөніндегі іс-шаралар жоспары шеңберінде жүргізілуде.

Адам саудасының құрбандары үшін арнаулы әлеуметтік қызмет көрсету стандарты 2016 жылы әзірленді және адам саудасының құрбандарын анықтаудың үлкен үлесі бар өңірлерде: Қостанай, Оңтүстік Қазақстан облыстарында, Астана және Алматы қалаларында «пилоттық» режимде енгізілді.

Одан кейінгі жылдары Ақтөбе, Шығыс Қазақстан, Қарағанды, Қостанай, Қызылорда, Павлодар, Солтүстік Қазақстан облыстарында және басқа да өңірлерде адам саудасының құрбандарына арнаулы әлеуметтік қызметтер көрсетілді.

2016-2019 жылдар аралығында 600-ден астам адам 288 млн. теңгеден астам сомаға қызмет алды. Жергілікті атқарушы органдардың деректеріне сәйкес, ағымдағы жылдың 1 жартыжылдығында 80 адам арнаулы әлеуметтік қызмет алды.

Еңбекмині мүдделі органдармен және ұйымдармен бірлесіп, Қазақстан Республикасы Үкіметінің Адам саудасына байланысты қылмыстардың алдын алу, жолын кесу және оларға қарсы күрес жөніндегі 2021 – 2023 жылдарға арналған іс-шаралар жоспарын әзірлейді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар