Жаңалықтар 19.11.2020 сағат 22:11

Қарағандыда «мені өлтірді» деп хат қалдырған әйелдің өліміне күдікті полицей тергеліп жатыр

Ол өлер алдында жазған хатында бұған полиция қызметкері Ерлан Намысовты кінәлаған. Одан үлкен сома қарызға алғанын және оны қайтара алмайтынын айтқан.
Қарағандыда «мені өлтірді» деп хат қалдырған әйелдің өліміне күдікті полицей тергеліп жатыр
Фото: ашық дерек көзі
Бөлісу
Бөлісу
Бөлісу

Қарағанды облысы ПД баспасөз қызметі өз-өзіне қол жұмсап, өліміне полиция қызметкерін айыптап, хат қалдырған марқұм әйелдің оқиғасына қатысты түсініктеме берді, деп хабарлайды Skifnews.kz ақпарат порталы paryz.kz-ке сілтеме жасап.

Департаменттегілер 16 қараша күні Қарағанды қаласының Можайская көшесіндегі пәтерлердің бірінен зорлық белгілері жоқ 52 жастағы әйелдің денесі табылғанын хабарлады. Аталған факті бойынша сотқа дейінгі тергеу басталды. ҚР Қылмыстық кодексінің 105-бабы ("Суицидке итермелеу") бойынша барлық қажетті тергеу әрекеттері жүргізіліп, тиісті сараптамалар, соның ішінде өлер алдында жазылған хатқа байланысты соттық-қолтаңбаны айқындау сараптамасы тағайындалды. Қазіргі уақытта қылмыстық іс бойынша тергеуді Қарағанды облысы ПД Ішкі қауіпсіздік басқармасы қолға алған.

Сондай-ақ, олар марқұмға және оның әпкесіне қатысты алаяқтық фактілері бойынша қылмыстық іс Қарағанды ПД өндірісінде екенін хабарлады. Оларға алданған бірнеше жәбірленуші бар. Тұрғындарға жалпы сомасы 130 миллион теңгеге жуық материалдық зиян келтірілген.

"Қазіргі уақытта Ерлан Думанұлы Намысовқа қатысты қызметтік тергеу басталды. Оның қорытындылары бойынша тиісті шаралар қолданылады", - делінген хабарламада.

Еске сала кетсек, бүгін қарағандылық әйелдің өзін құрбандыққа шалғанын хабарлаған болатынбыз. Ол өлер алдында жазған хатында бұған полиция қызметкері Ерлан Намысовты кінәлаған. Одан үлкен сома қарызға алғанын және оны қайтара алмайтынын айтқан. Марқұм әйелдің хатындағы дерекке сүйенсек, Намысовтың тарапынан өзіне жасалған қоқан-лоққы екі жылға дейін созылыпты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар