Қыста Қазақстанның кейбір өңірлерінде қатаң шектеулер енгізілуі мүмкін

Қыста Қазақстанның түрлі өңірлерінде қатаң шектеулер енгізілуі мүмкін. ҚР ДСМ Қоғамдық денсаулық сақтау ұлттық орталығының қоғамдық денсаулық сақтау саласындағы ТЖ жедел орталығының директоры Альберт Асқаров осылай деп мәлімдеді. Бұл туралы Stan.kz хабарлайды. 
карантин

"Қазіргі уақытта Қазақстан Республикасында халықтың COVID-19 ауруының өсу қарқыны осы жылдың жазында тіркелген бірінші толқынның шыңына қарағанда төмен. Шілде айында коронавирус эпидемиясы шарықтау шегіне жеткенде Қазақстанда күн сайын орташа есеппен 1600-ден 1800-ге дейін COVID-19 оқиғасы тіркелген еді. Бұл ретте сырқаттанушылықтың тәуліктік өсімі 3% - дан астамды құрады. Қазір республикада күн сайын тіркелетін COVID-19 оқиғаларының саны 600 – ден 800-ге дейін, сырқаттанушылықтың тәуліктік өсу қарқыны 1% - дан аз", - деді Альберт Асқаров.

Солтүстік Қазақстанда карантин күшейтілді

Дәрігер Қазақстандағы коронавирустың екінші, үшінші толқыны туралы айтты

Сенегалда белгісіз вируспен 100-ден астам адам ауырып жатыр
Сонымен қатар, оның айтуынша, "елдегі COVID-19 бойынша эпидемиологиялық жағдайды бағалау матрицасына" сәйкес "қызыл аймаққа" тұрақты кірген өңірлер, атап айтқанда Шығыс Қазақстан және Солтүстік Қазақстан облыстары бар. Бұл осы өңірлерде қосымша шектеу шараларын енгізуге себеп болды. Сонымен қатар, Қазақстанда COVID-19 екінші толқыны шарықтау шегі қыс айларында болуы болжанады. Мұндай жағдай орын алса, Қазақстанның басқа өңірлерінде де неғұрлым қатаң шектеулер қабылдауды талап етуі мүмкін. 

Айта кетейік, бүгін Нұр-Сұлтанның бас мемлекеттік санитарлық дәрігері Жанна Пірәлиева жаңа қаулыға қол қойды. Оған сәйкес сауда-ойын-сауық орталықтарына сенбі күні жұмыс істеуге рұқсат етілді