Жаңалықтар 04.12.2020 сағат 14:40

Шымкенттіктер Нұр-Сұлтан мен Алматыда неге көп? - әкім жауабы

Осы сұрақты естіген қала басшысы күліп жіберді.
Шымкенттіктер Нұр-Сұлтан мен Алматыда неге көп? - әкім жауабы
Бөлісу
Бөлісу
Бөлісу

Шымкент қаласының әкімі Мұрат Әйтенов Нұр-Сұлтан мен Алматыда жұмыс істеп жүрген жерлестерінің санына қатысты түсініктеме берді, деп хабарлайды Sputnik Қазақстан.

Орталық коммуникациялар қызметінде өткен онлайн брифингте астанада жүрген шымкенттіктердің санына қатысты сұрақ қойылды.

"Қазіргі кезде Нұр-Сұлтан мен Алматыда Шымкенттен келген және жұмысқа тұрған адамдардың нақты саны қанша?", - деді модератор.

Осы сұрақты естіген қала басшысы күліп жіберді. "Өте қызықты сұрақ екен", - деді Әйтенов.

Оның айтуынша, қазіргі кезде ондай статистика жүргізілмейді. 

"Дегенмен, олардың саны жетерлік (күлді). Енді, бір елде, бір республикада тұрамыз ғой. Ондай статистика жүргізілмейді деп ойлаймын. Алайда ондай мәлімет қолымызға түссе, бірден жариялайтын боламыз", - деді Әйтенов.  

Айта кетейік, ақпан айында Нұр-Сұлтан қаласының әкімі Алтай Көлгінов халықтың саны 1 миллион 200 мыңға дейін жеткенін мәлімдеген болатын. Оның айтуынша, жыл сайын астана тұрғындары 50 мың адамға көбейіп отырады. Алматыда халықтың саны 1 миллион 900 мыңнан асты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар