Жаңалықтар 07.12.2020 сағат 13:00

Ұлттық банк 1000 теңгелік банкнотқа қатысты түсініктеме берді

Бұл банкноттар табиғи тозу шамасына қарай айналымнан алынады.
Ұлттық банк 1000 теңгелік банкнотқа қатысты түсініктеме берді
Фото: ашық дереккөзі
Бөлісу
Бөлісу
Бөлісу


Қазақстан Ұлттық банкі «Kүлтегін» түркі жазба ескерткішіне арналған номиналы 1000 теңгелік банкноттың заңды төлем құралы болып қала беретінін еске салады, деп хабарлайды Bag.kz.

«Оны банктік операциялар мен аударымдар бойынша барлық төлемдерде қабылдауға міндетті. Бұл банкнот «Қазпошта» АҚ бөлімшелері мен барлық банкте айырбасталып, еш шектеусіз ұсақтала береді», - делінген хабарламада.

«Kүлтегін» түркі жазба ескерткішіне арналған номиналы 1000 теңгелік банкнот 2013 жылдың соңында 20 млн дана таралыммен айналымға шықты. Бұл банкноттар табиғи тозу шамасына қарай айналымнан алынады.  

Егер кәсіпкерлер бұл банкнотты қабылдаудан бас тартса, ӘҚК-ның 206-бабына сәйкес ескерту жасалады. Әкiмшiлiк жаза қолданылғаннан кейiн бiр жыл iшiнде қайталанған жағдайда – 5-тен 25 айлық есептік көрсеткішке дейін айыппұл салынады.

«Осы банкнотты қабылдаудан бас тартқан жағдайда тиісті шаралар қабылдау үшін Ұлттық банктің аумақтық филиалына өтініш жасау қажет. Одан бұрын фактіні бейнетаспаға жазып алуды немесе банкнотты қабылдаудан бас тартатыны туралы жазбаша негіздеме талап етуді ұсынамыз», - делінген банк хабарламасында.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар