$ 446.49 € 475.38 ₽ 4.79
Көкшетауда 6 сыныптың оқушысы тоққа түсіп, ажал құшты. Бұл туралы құқық қорғау органдарының қызметкерлері мәлім етті, деп хабарлайды «Қазақпарат».
Полиция қызметкерінің мәліметі бойынша, қайғылы оқиға жайында қалалық ІІБ кезекшілік бөліміне жедел-жәрдем қызметінің дәрігері хабарлаған. Дәрігердің айтуынша, келеңсіз жағдай облыс орталығындағы Сүлейменов көшесінің бойында түнгі сағат 22:00 шамасында орын алған.
Бағанадан жерге 1,2 метр шамасында жетер-жетпес салбырап тұрған электр сымын абайсызда ұстап қалған 13 жасар ер бала сол жерде көз жұмған. Кейін оның Көкшетау қаласындағы нөмірі 8 мектептің 6 сынып оқушысы екені анықталды.
Қазіргі кезде, баланың денесі мәйітханаға жіберіліп, соттық-сараптама жұмыстары жүргізілуде.
