Жаңалықтар 09.03.2021 сағат 15:40

Сенаторлар сот жүйесін жаңғырту туралы заң жобаларын қарайды

Отырыстың күн тәртібіне Кеден одағына мүше мемлекеттердің кеден қызметтерінің Бірлескен алқасы туралы шартқа өзгерістер енгізу туралы хаттаманы ратификациялау туралы заң жобасы да енгізілді.
Сенаторлар сот жүйесін жаңғырту туралы заң жобаларын қарайды
Бөлісу
Бөлісу
Бөлісу

ҚР Парламенті Сенаты Бюросының мүшелері осы жылдың 11 наурызында өтетін Палата отырысының күн тәртібін бекітті.  Бұл туралы Skifnews.kz ақпарат порталы Сенаттың баспасөз қызметіне сілтеме жасап хабарлайды. 

Депутаттар батып кеткен кемелерді жою туралы Найроби халықаралық конвенциясын ратификациялау мәселесін қарайды. Құжат теңіздегі апаттардың зардаптарын тиімді жоюдағы бірыңғай ережелер мен рәсімдерді белгілейді.

Отырыстың күн тәртібіне Кеден одағына мүше мемлекеттердің кеден қызметтерінің Бірлескен алқасы туралы шартқа өзгерістер енгізу туралы хаттаманы ратификациялау туралы заң жобасы да енгізілді.

Сенаторлар отырыста бұдан бұрын парламентшілер бастамасымен әзірленген заң жобаларын да қарастырады. Олардың қатарында «Қазақстан Республикасының сот жүйесі және судьяларының мәртебесі туралы» Конституциялық заңға, Әкімшілік құқық бұзушылық туралы кодекске және сот жүйесін жаңғырту мәселелеріне қатысты басқа да заңнамалық актілерге өзгертулер мен толықтырулар енгізу туралы заң жобалары бар.

Әкімшілік рәсімдік-процестік кодексінің 1 шілдеден бастап күшіне енуіне байланысты әкімшілік әділеті жүйесінің толыққанды жұмысының қамтамасыз етілуі мен мемлекеттік органдардың қатысуымен болатын сот істерінде азаматтардың кепілдіктері мен құқықтарын ұлғайту осы жұмыстардың нәтижесі болуы тиіс.

Бюро мүшелері сонымен қатар Мәжілістен түскен бірқатар заң жобаларын тұрақты комиссияларға бөліп берді.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар