Жаңалықтар 16.03.2021 сағат 09:40

2 миллион теңге: Ақтөбе облысының әкімдігі Алғыс айту күнінде көпбалалы анаға жалған сертификат табыстаған (ВИДЕО)

1 наурызда әйел Алғыс күніне арналған шараға шақырылған.
Бөлісу
Бөлісу
Бөлісу

Ақтөбеде шенеуніктер көпбалалы анаға 2 миллион теңгенің сертификатын тапсырған. Алайда сыйлықтың құны жоқ болып шыққан. Ірі сомасы қағаздағы жазуда ғана болған. Бұл жайттың мән-жайын "Астана" телеарнасының тілшілері білді.

Айсұлу Құздыбаева бес баласын аядай үйде тәрбиелеп отыр. Қалаға әйел таяуда келгені айтылады. Алайда жатақханадағы бөлме 14 шаршы метр ғана. Не жөндеуі жоқ, не жиһазы жоқ.

Оның бұл жағдайын еріктілер біледі. Қаражат жинап, бөлмеге жөндеу жұмыстарын жүргізеді. Қажеттің бәрін сатып алып берген. Жөндеу жұмыстары бірнеше апта бұрын аяқталған.

1 наурызда әйел Алғыс күніне арналған шараға шақырылған. Ақтөбе облысының әкімі көпбалалы анаға салтанатты шарада сертификат табыстаған. Бірақ отбасы ақшаны қайдан аларын білмеген. 

"Облыс әкімі тапсырды. Екі миллионым бар деп, енді оған сәл ақша қосып, басқа баспана сатып алғым келген. Көршілерім келіп құттықтағна. Сөйтсе, бұл жай ғана қағаз болып шықты", - дейді көңілі қалған Айсұлу.

Шенеуніктер болса әйелге бұл сертификаттың құны жоғын ескерткенбіз деп отыр. Ол Қазақстан халқы ассамблеясының облыстық филиалы атынан көпбалалы анаған көрсетілген көмекті көрсету үшін тапсырылған болып шықты. 

"Жастардан жөндеу жұмысына қанша ақша шығардыңыздар деп сұрадық. Олардың айтуынша, жөндеу жүргізіп, жиһаз сатып алған, жалпы екі миллиондай шығарған. Көрсетілген көмектің сомасын көрсету үшін Айсұлуға осы сертификатты тапсырдық. Бұған ақша бере ме деп те сұраған. Берілмейтінін түсіндірдік, бұл сомаға жөндеу жұмыстарын жүргізілгенін айтып, осыны көрсеткіміз келді", - дейді Қазақстан халқы ассамблеясы Ақтөбе облыстық филиалы хатшылығының жетекшісі Маржан Қорғанбаева.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар