Жаңалықтар 06.05.2021 сағат 10:40

Елімізде 600 шақырымға жуық жол жөнделетін болды

Осылайша, Батыс Қазақстан облысында күрделі жөндеумен 248 шақырым жол қамтылған.
Елімізде 600 шақырымға жуық жол жөнделетін болды
фото: inform.kz
Бөлісу
Бөлісу
Бөлісу

Қазақстанда жолдарды жөндеу жұмыстары жалғасуда. Биыл еліміздің бес өңірінде республикалық маңызы бар автомобиль жолдарының 585 шақырымына күрделі жөндеу жүргізілмек.

Бұл туралы ҚазАқпарат ҚР Индустрия және инфрақұрылымдық даму министрлігінің Telegram каналына сілтеме жасап хабарлайды.

Осылайша, Батыс Қазақстан облысында күрделі жөндеумен 248 шақырым жол қамтылған: «Қазталовка-Жәнібек-Ресей шекарасы» және «Өнеге-Бисен-Сайқын». Алматы обласында жұмыстар «Алматы – Бішкек» (Алтын Орда) және «Көкпек – Кеген – Қырғызстан шекарасы» автомобиль жолдарында жүргізілуде. Сондай-ақ, жол саласы қызметкерлері күрделі жөндеуді Қостанай облысындағы «Жезқазған – Петропавл» мен «Ресей шекарасы - (Екатеринбургке) – Алматы» тас жолдарында жүргізуде. Павлодар облысында «Қалқаман – Баянауыл – Үміткер – Ульяновск» және «Ленин – Ақсу – Көктобе – Курчатов» жол учаскелері жөндеу жұмыстарымен қамтылған.

Бұдан бөлек, биыл Солтүстік Қазақстандағы «Булаево-Возвышенка-Молодогвардейское-Кирово-Қиялы-Рощинское» жолы жөнделмек. Айта кету керек, күрделі жөндеу жолдың барлық компоненттеріне ұзақ қашықтықта әсер етеді. Ол топырақты нығайтуға, ақауларды жоюға, дренаж жүйесін ретке келтіруге және жабынды жөндеуге мүмкіндік береді.

Жалпы, жылдың қорытындысы бойынша күрделі жөндеуден кейін 62 шақырым республикалық жол пайдалануға беру көзделіп отыр.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар